野餐...
- coolgrey9
- 2016年10月2日
- 讀畢需時 2 分鐘
大家有幾耐未野過餐呢, m..我記憶中出左哩做野之後就無野過餐了.............
昨天約了朋友去迪欣湖野餐^^第一次到迪欣湖, 感覺好外國feel, 好大, 好多綠色草地 (重要任你踏:P) 帶左簡單既食物, 有雜果沙律, 干火腿卷, 薯片, 飲品.
1點多去到時人不多, 反而賓賓, 印印多過香港人!!可能因為地方大, 所以唔覺嘈, 感覺好舒服, 同朋友談天說地, 食下野, 聽下歌.....天氣好好. 兩三點, 人開始多了, 多了些一家大細, 有小朋友既家庭, 有些還帶了露營用既營帳..... 見到小朋友與大自然接觸, 遊戲, 非常開心......突然有些感觸,雖然我和朋友都未結婚未有小朋友, 但我兩都覺得這樣才叫童年, 現今在香港既小朋友真係.....唉......(諗起萬X喵喵廣告..........)
突然落起雨, 朋友堅持係過雲雨, 我就因為坐得太舒服唔想郁:P. 雨越落越大, 其他人已收起行裝避雨去, 但兩個傻婆依然坐著(當然有擔遮, 我傻但唔蠢,HEHE), 地"隻"已有好多水...堅持...堅持...終於停雨, 大陽伯伯又笑了, 好快草地已經無水珠, 我赤腳踩在草地上, 感受哩個大自然~~~好舒服....這樣就由1點多坐到4點多, 開始環湖行, 行下坐下, 個湖真係好大同好靚..
出左迪欣湖, 天開始慢慢轉色, 我地重有個見方要去, 就係迪土尼酒店後既碼頭, 黃昏去到, 天有絲絲粉紅, 坐係石壆上, 吹下海風, 真真寫意. 就這樣完成左迪欣湖加碼頭一日遊^^
Comments